Молитвы за всех христиан

Молитвы за всех усопших христиан, православных верных и конфессий баптистов, евангельских, католиков, староверов. Возносить дома и в церкви.


▼ Внизу: где купить или заказать цветы и венки, кафе для поминок, изготовление памятника, уборку могилы, иконы, амулеты, а также сайты психологов и экстрасенсов.

Текст первой молитвы по-церковнославянски

molitva-1

Владыко Многомилостиве и Всемилостиве Господи Иисусе Христе Боже наш! Милосерд ты к нам грешным и милосердию Твоему несть конца: не хощеши бо нашей вечной погибели, зане рекл еси: «Не хощу смерти грешника, но еже обратитися и живу быти ему». Слава милосердию Твоему! Слава смотрению Твоему! Слава долготерпению Твоему, Господи! От всего сердца нашего, от всея души нашея благодарим Тя, Боже наш, яко сподобил еси усопшаго(ую) раба Твоего (рабу Твою) (имя) на одре болезни исповедатися Тебе во гресех своих. Ты же, Господи, Един ведый вся, веси, коль тяжки греси его (ея), но обаче молим Тя, приими раба Твоего (рабу Твою), отшедшаго(ую) к Тебе аще и грешником(-цею), но не нераскаянным(-ою), и воздаждь ему (ей) по раскаянному сердцу его (ея).

И якоже Ты приемлеши и единое слово, и единый вздох, и единую каплю слезную от исповедающегося Тебе с чистым и сокрушенным сердцем, темже убо молим Тя, Сердцеведче Святый, приими ныне от нас нашу молитву за усопшаго(-ую), вонми молений наших гласу, и услыши ны; со умиленною душею и сокрушенным сердцем молим Тя, Господи, воззри всемилостивым оком Своим на покаявшагося (-шуюся) Тебе усопшаго(-ую) раба Твоего (рабу Твою) (имя) и попали невещественным огнем Духа Твоего Святаго вся терния грехов его (ея), неисповеданных пред лицем Твоим.

Аще же усопший(-шая) раб Твой (раба Твоя) при покаянии забвению что предаде по немощи естества, или тяжкой болезни, или страха ради часа смертнаго не возможе в сокрушении и умилении сердца покаятися пред Тобою, Господи, ниже возможе принести Тебе плодов достойных покаяния, со умилением просим, молим Тя, Спасителю наш, восполни его (ея) покаяние молитвами Святыя Твоея Церкви и всех святых Твоих, от века благоугодивших Тебе, наипаче же восполни сию духовную скудость Твоею благостию, Твоими дражайшими искупительными и спасительными заслугами; и якоже мытаря оправдал еси, и разбойника, на кресте молившагося Ти, помиловал еси, сице молим Тя: помилуй преставльшагося(-уюся) к Тебе с верою и упованием и прости ему (ей) всякое согрешение вольное и невольное, словом, делом, ведением и неведением содеянное, и такода неосужденно явится пред лицем Твоим в день великаго и Страшнаго Суда Твоего. Молим Тя, дражайший Искупителю наш, сподоби усопшаго(ую) раба Твоего (рабу Твою) (имя) внити в Царствие Твое, яко сподобившагося(-уюся), по Твоей благости, причаститися святых Твоих страшных и животворящих Тайн во оставление грехов и в жизнь вечную.

Ты бо, Господи, пречистыми устами рекл еси: «Ядый Мою Плоть и пияй Мою Кровь имать живот вечный». Ты, Господи, Сам сподобил еси усопшаго(-ую) раба Твоего (рабу Твою) причаститися пречистаго Твоего Тела и пречистыя Твоея Крове, яко залога вечнаго блаженства; сего ради паки молим Тя: да будут ему (ей) святыя и животворящия Тайны Твоя, яко угль, попаляющ вся согрешения его (ея), вся беззакония и неправды его (ея), да будут во очищение, во освящение, оправдание и оставление грехов, и в залог живота и блаженства вечнаго. Аминь.

Текст молитвы второй за всех скончавшихся православных христиан

Боже щедрот и всякия благодати! Призри с высоты Святаго жилища Твоего на нас грешных и недостойных рабов Твоих, молящихся Тебе и просящих дати долгов разрешение усопшему (-ей) рабу Твоему (рабе Твоей). Молим Тя, Благость вечная, не вниди в суд с рабом (-ою) Твоим (-ею), яко созданием Твоей Премудрости, но обаче милости сподоби его (ю); яви ему (ей) благоутробие Твое, Всеблагий Владыко, и не отвержи его (ю) от лица Твоего, Человеколюбче Господи: спаси от вечныя смерти, яже есть смерть вторая, душу его (ея), да тако усопший (-шая) не престанет славословити Твою безконечную благость и превозносити имя Твое во веки. Тебе, Сердцеведче, ведомы дела, намерения и помышления усопшаго (-шия) раба Твоего (рабы Твоея) и вся содеянная им (ею) благая же и злая пред Тобою нага и объявлена суть.

Но что убо пред Тобою, Святый, вся благая наша? Яко капля в мори, тако суть пред Тобою и пред Твоею правдою и Святостию вся благая наша, содеваемая в веце сем. Безмерны согрешения наши; велико и тяжко бремя грехов наших, но неизреченно велики и безпредельны заслуги Единороднаго Сына Твоего, Господа нашего Иисуса Христа, Егоже по безпредельной любви Твоей дал еси нам грешным, да всяк веруяй в Онь, не погибнет, но имать живот вечный.

Зело грешны есмы пред Тобою и недостойны Твоея милости, но Твое человеколюбие соделывает нас достойными; велики беззакония наша, но неистощимо Твое милосердие: безмерныя заслуги Возлюбленнаго Твоего Сына, принесшаго Себя в жертву за грехи наши, побеждают всяк грех, всяко беззаконие; того ради со умилением и со дерзновением молим Тя, Источниче жизни нашея, со дерзновением упования молим, да усвоятся усопшему (-ей) рабу Твоему (рабе Твоей) (имя) сии драгоценныя для нас искупительныя и спасительныя заслуги Единороднаго Сына Твоего; умоляем Твое милосердие слезами сокрушения, покрый грехи усопшаго (-шия) раба Твоего (рабы Твоея) величием сих дражайших заслуг Искупителя нашего; прости все согрешения его (ея) и не погуби его (ю) со беззаконми его (ея) в геенне огненней.

Пощади, пощади, Владыко, отшедшаго (-ую) к Тебе раба Твоего (рабу Твою) (имя) и вечных мучений избави, избави ради безмерных и неизглаголанных душевных скорбей и болезней Единороднаго Сына Твоего, понесенных Им пред испитием горькой чаши страданий Своих; пощади его (ю) и спаси от вечныя смерти ради поношения и биения Спасителя нашего, ради заушения и заплевания; помилуй ради дражайшия Крове Его из пречистых ребр Его пролиянныя. Молим Тя, Отче щедрот и всякаго милосердия, пречистыми и животворящими Его ранами, Его святою Кровию уврачуй смертоносныя и греховныя язвы усопшаго (-шия) раба Твоего (рабы Твоея), и тако да исцелеет духовне и да сподобится в неприступном свете Твоем, Светодавче Господи, славословит и прославляти Пресвятое имя Твое во веки. Аминь.

Текст молитвы третьей за всех в вере скончавшихся православных христиан
molitva-23

Господи! Кто обитает в жилище Твоем? Кто вселится в гору Святую Твою? Ходяй непорочен и делаяй правду, глаголяй истину в сердце своем, якоже писано есть. Но мы веруем, яко Ты, Преблагий Гоподи, уготовал еси обители многи во упокоение всем верующим в Тя, творящим волю Твою, труждающимся и добре подвизающимся в вере и благочестии; вкупе же вемы, яко Ты обещал еси даровати Царство Небесное токмо родившимся водою и Духом, зане рекл еси: «аще кто не родится водою и Духом, не может внити в Царствие Божие», сего ради в мир пришел еси, да всяк веруяй в Тя и соблюдаяй заповеди Твоя, не погибнет, но имать живот вечный. Молим Тя, Премилосердый Господи, приими душу от нас преставлыпагося (-шейся) раба Твоего (рабы Твоея) (имя), в Тя крестившагося (-шейся), в Тя облекшагося (-шейся) и Тебе спогребшагося (-шейся) и, яко возрожденнаго банею пакибытия, сподоби внити в Царствие Твое, жити с Тобою вечно, созерцати Тя, славити и превозносити имя Твое тамо, идеже выну славословят Тя Ангелы и вси святии.

Аще же отшедший (-шая) к Тебе по грехом своим несть достоин (-на) вселитися во святых Твоих обителях, молим Тя, Человекелюбче Господи, со умилением молим Тя, во имя крестных заслуг Твоих, молим, ради молитв Преблагоеловенныя Владычицы нашея, Пресвятыя Богородицы и молитв ради всех святых Твоих, прости ему (ей) вся согрешения, яже со дела в житии сем словом, делом, помышлением, волею или неволею, да не осужден (не осуждена) будет по делом своим, — кийждо бо у Тебе тамо от своих дел или прославится, или постыдится, кийждо приимет, яже с телом со дела, или блага, или зла; сего ради молим Тя, Преблагий, призри благосердием Твоим на вся благая, содеянная в веце сем усопшим (-шею) рабом Твоим (рабою Твоею).

Но Господи, Господи! Что убо благия деяния наши пред Твоею высочайшею Божественною святостию? И нам ли, великим грешникам, дерзати являти пред Тобою благия дела наши, егда они Твой есть дар? Но Ты, о Премилосердый Господи, зриши дела наши, призираеши на благая наша, не отвращавши лица Твоего от дел благоугодных Тебе, приемлеши молитвы наша за братии наших, во имя Твое творящих дела милости и вся благая; того ради паки со дерзновением молим, молим Тя, Всещедрый Христе Царю, призри милостию Твоею на вся благая, елика сотвори усопший (-шая) во славу Пресвятаго имени Твоего и воздаждь ему (ей) благостию Твоею. Аще же усопший (-шая) нищ (-ща) и убог (-га) благими делами своими, молим Тя, богатый в милостех Своих Господи Боже наш, да заступит ему (ей) место скудости духовныя неизреченная сила благости Твоея, побеждающая всяк грех, всяку неправду; вместо же дел праведности вмени, Преблагий, и тщание его (ея) благоугодити Тебе, еже бе, и благия помышления и намерения, елика быша, но яже страстьми и злыми наваждениями и кознями злобнаго древняго змия запяти быша.

Господи! Аще и за чашу студеныя воды, во имя Твое поданную изнемогающу жаждою, обещал еси мзду на небеси; аще убогой вдовицы приял еси две лепте, молим Тя: призри благосердием Твоим и на скудная благая, елика сотвори во житии сем усопший (-шая) ради ближних своих во имя Твое, аще словом, аще делом, и не отрини вся сия от лица Твоего, но приими милостию Твоею и воздаждь, Мздовоздателю благий, за земныя небесными, за временныя вечными Твоими благами.

Но Ты, Господи, не хотяй смерти грешника, не хощеши воздати и по делом его абие по смерти, но ожидаеши, дондеже молитвами живых очистятся грехи его, дондеже по молитвам Святыя Твоея Церкви, спеяние благих дел его приидет у Тебе тамо в меру совершенну; того убо ради смиренно молим Тя, Владыко Жизнодавче Господи, Солнце правды, всюду сущее и вся животворящее, согрей и оживотвори тамо семена добродетели, зде насажденныя присно поминаемым (-ою) нами усопшим (-шею) рабом Твоим (рабою Твоею), и ороси его (ю) Твоею благодатию, да возрастут, да процветут и принесут плоды, достойны жизни вечныя; молим Тя, Все-щедрый Царю Христе, да прославится тако от дел своих на Суде Твоем отшедший к Тебе раб Твой (раба Твоя) (имя), и да вселится во Царствии Твоем и прославит Пресвятое Имя Твое во веки. Аминь.

Текст молитвы четвертой за усопших православных христиан

molitva-17

Господи, Господи! коль неизбежен, коль страшен нелицеприятный и неизменимо-вечный Суд Твой! В великом и притрепетном смущении дух наш мятется, сердце содрогается и истаевает, яко воск, от единаго возвещения Твоего непреложнаго глагола о последнем Суде; немотствует язык от единаго ожидания гласа последней трубы Архангела, имущей возбудити от мертвых и воззвати от живых на Страшный Суд Твой от востока и запада, от севера и юга. О, воистину страшен день той, в оньже приидеши, Боже, на землю во славе со Ангелами и всеми святыми! Горнии и дольнии все предстанут тогда со страхом и трепетом и полчища преисподних вострепещут пред Тобою, Судие мира сего; небо и землю призовеши на Суд, судити вселенней в правде и истине!

Страшен день той, в оньже престоли поставятся, книги разгнутся, и явная и тайная наша деяния, словеса и помышления обличатся пред Тобою, пред Ангелами и человеками, вкупе же и осудятся: ничтоже бо, Господи, у Тебе сокровенно, еже тогда не открыется, и тайно, еже не уведано будет. Кто возможет, Судие мира сего, устояти тогда пред лицем Твоим и целым миром горним и дольним! Аще праведник едва спасется, нечестивый и грешный како постоит? И кто убо заступит за ны, аще не Твое милосердие, Господи? Камо убежим от праведнаго Суда Твоего? О, пощади, пощади тогда нас и отшедщаго (-ую) к Тебе приснопоминаемаго (-ую) нами раба Твоего (рабу Твою) (имя) и не осуди его (ю) тогда на вечное мучение по грехом его (ея).

Благоволи убо, Премилосердый Господи, прияти в небесный и мысленный Твой жертвенник наши жертвы за него (ню) — молитвы наши и милостыни, яко кадило благовонное, вкупе с молитвами и безкровным священнодействием пастырей Святая Твоея Церкви, да не постыдится пред Тобою, пред Ангелами и целым миром усопший (-шая) раб Твой (раба Твоя). Услыши ны, Боже наш, и не отрини до конца; виждь коленопреклоненных, повергшихся долу пред Тобою, Господи; услыши просящих Твоея милости и Царства Небеснаго усопшему (-шей) рабу Твоему (рабе Твоей). Молим Тя, о Премилосердый и Прещедрый Иисусе, егда приидеши со Ангелы Святыми Твоими судити мирови, пощади, пощади тогда. Спасе, создание Твое: образ бо есть неизреченныя Твоея славы.

С сокрушенным сердцем молим, просим Тя, Спасителю и Искупителю наш, не осуди раба Твоего (рабу Твою) (имя) праведным судом Твоим на вечное мучение, аще достоин (-на) есть всякаго осуждения и муки; не отлучи его (ю) от стада избранных Твоих, но, по неизреченному милосердию Твоему, долготерпению и любви к нам грешным и недостойным рабам Твоим, ради Твоих дражайших заслуг сподоби его (ю), Владыко, Царствия Твоего, еже уготовал еси любящим Тя от сложения мира, и да внидет в место упокоения, хваля всесвятое и великолепое Имя Твое, славя неизреченное милосердие Твое, величая человеколюбие и щедроты Твоя, яко Ты еси Бог милости и щедрот, и Тебе славу возсылаем, со безначальным Твоим Отцем, Пресвятым и Благим и Животворящим Твоим Духом, ныне и присно и во веки веков. Аминь.

Текст молитвы за всякого усопшего по-церковнославянски

Помяни, Господи Боже наш, в вере и надежди живота вечнаго преставльшагося раба Твоего, брата нашего (имя), яко Благ и Человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благих, уготованных любящым Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троицу и Троицу во Единстве православно даже до последняго своего издыхания исповеда.

Темже милостив тому буди, и веру яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков. Аминь.